منتدا الادوية العربي التطويري فارما

السلام عليكم ورحمة الله و بركاته أسرة المنتدى تتقدم بالشكر لجميع الاعضاء لمشاركاتهم المميزة كما تدعو زوارنا الى التصفح بمختلف اقسام المنتدى و المشاركة فيها نتمنى لكم دوام الصحة و العافية

    موظــــــــــــــــــــــف سوري

    شاطر
    avatar
    Riham

    عدد المساهمات : 63
    السٌّمعَة : 1
    تاريخ التسجيل : 14/01/2010
    العمر : 30

    موظــــــــــــــــــــــف سوري

    مُساهمة من طرف Riham في الأحد يناير 17, 2010 8:24 am





    هاد مرة موظف وقف عند السمان يلي بيحارتو واشترى شوية غراض ولما طلب من السمان أنو يسجلهن عليه بالدين رفض السمان


    وقلو ما بتعامل انا إلا بالكاش موني



    فقلو الموظف متعجب : بدك كاش؟؟



    قلو السمان أي ليش لأ؟



    فجاوبو الموظف



    الكاش غير متوفر بالأسواق المحلية



    لأنه تجمع بأيدي شلة من الحرمية



    والحرمية صارو كتار



    والكترة غلبت الشجاعة



    والشجاعة كنز لا يفنى



    والكنز موجود بالمغارة



    والمغارة ما بتفتح إلا لعلي بابا والأربعين حرامي



    والأربعين حرامي صارو ملايين



    والملايين عم تندفع لضعاف النفوس رشوة



    والرشوة صارت حق



    والحق يا حسرتي ضاع



    والأكل ما عاد منو غذاء



    والغذاء مقابل النفط



    والنفط جاب البلا على روسنا



    وروسنا تمرمطت بالأرض



    والأرض مقابل السلام



    والسلام صار استسلام!




    والاستسلام ضيّع الكرامة



    والكرامة خسر أدام الوحدة



    والوحدة صارت حلم



    والحلم سيد الأخلاق



    والأخلاق تحولت لنفاق



    والنفاق جمع نفق



    والنفق لازم يتكمّل



    ولحتى يتكمّل بدو متعهد بناء صالح



    وصالح ما عاد بهالأيام



    وبهالأيام صارت المفاهيم مقلوبة



    والمقلوبة بدها بيتنجان ولحمة



    واللحمة ماعادت تفوت لبيت الفقرا ولو نطحو الحيطان



    والحيطان صار ألها أدان



    والأدان معبية البلد



    وهالبلد صار في أكل هوا



    والهوا صار في تلوث



    والتلوث عشعش بالنفوس، والسجل المدني والقضاء



    وللقضاء على القضاء صار بدو قضاء وقدر



    والقدر علينا مكتوب



    والمكتوب ما في منو هريبة



    والهريبة تلتين المرجلة



    والمرجلة ما عادت لكل واحد



    وكل واحد ألو ساعة



    والساعة أتية لا ريب فيها


    يوم يأخذ كل ذي حق حقه اللي شفط منه في الدنيا



    وعلى الدنيا السلام مشان الحصول على الأختام



    والأختام عند المدام



    والمدام كانت شامية وهلأ صارت روسية شقرا



    والشقرا بتهز الأرض



    والأرض بتتكلم عربي



    والعربي ماحدا بيقدر عليه غير الله



    والله اذا منضل على هالحالة لتسحبنا الكلاب



    والكلاب أحسن من البني آدم



    وآدم علق علقة مسخمة مع حوا



    وحوا ما بتعرف غير كلمة بدي



    وبدي ألعن أبو هالحالة



    بطلت اشتري !!!!!!!


    _________________
    avatar
    عالي الهمة

    عدد المساهمات : 89
    السٌّمعَة : 3
    تاريخ التسجيل : 14/01/2010

    رد: موظــــــــــــــــــــــف سوري

    مُساهمة من طرف عالي الهمة في الأحد يناير 17, 2010 10:15 am

    هههههههههههههههههههههههههههه
    يسلمو ايديكي رهام كتير حلوة

    م/ عالي الهمة
    avatar
    pharma_coeur
    Admin

    عدد المساهمات : 102
    السٌّمعَة : 0
    تاريخ التسجيل : 13/01/2010

    رد: موظــــــــــــــــــــــف سوري

    مُساهمة من طرف pharma_coeur في الأحد يناير 17, 2010 10:30 am

    ههههههههههههههههههههههه
    الله يعينو هالموظف
    يسلموووو ريهام
    avatar
    Riham

    عدد المساهمات : 63
    السٌّمعَة : 1
    تاريخ التسجيل : 14/01/2010
    العمر : 30

    رد: موظــــــــــــــــــــــف سوري

    مُساهمة من طرف Riham في الأحد يناير 17, 2010 6:46 pm

    الله يسلمكون يارب
    انشالله تكون عجبتكون


    _________________

    جزائرية

    عدد المساهمات : 63
    السٌّمعَة : 0
    تاريخ التسجيل : 19/01/2010

    رد: موظــــــــــــــــــــــف سوري

    مُساهمة من طرف جزائرية في الثلاثاء يناير 19, 2010 8:35 am

    هههههههههههههههههههههههههههههه
    اولييييييييي شو نفسو طويل
    يسلموووووووووووووو

      الوقت/التاريخ الآن هو الأحد أكتوبر 22, 2017 6:22 pm